يحيى زكريا

يحيى زكريا

                                      يحيى زكريا

                                  يحيى زكريا

وتجربى سحر فى عينيكى وانتهى ..


من وقتها....



وقت النهايه المحزنه.....



من بعد غيبة كام سنه....



جايه هنا.....



تبدى الحكايه الاوله.....



م الاوله.....



بس النهايه هتختلف.....



بالنسبه ليكى موش انا.....



الحرقه هتكون حرقتك....



والفرحه تنسى سكتك....



وينفس مقدار لهفتك....

اتذكرى...

 

                         يحيى زكريا

                                       يحيى زكريا

يحيى زكريا

يحيى زكريا

                                                       يحيى

                                                         همسه

يحيى

                                      همسه

                                   همسه

1. من بين دواير غفلتك.....

فكرينا باللى فات....

داللى فات عمره ما مات...

رجعى كل الحكايه....

م البدايه...

احكى لينا واحكى عنا..

لما كنا صغيرين....

كانت الطله الرقيقه...

كانت البسمه الرقيقه...

والفرح باظظ م العينين...

احكى يا شهرزاد.....

شال الحمام...

حط الحمام...

شال ايه ....

ماحد عالم...

حط ايه ...

ماحد فاهم...

اصلى كنت يوميها عيل...

حافى وجعان....

زى كل ولاد حارتنا....

كنت واد مفعوص بريل....

زى كل ولاد حارتنا...

بس ما كنتش جبان....

ماحد فينا كان جبان...

من صغرنا راضعين..

ازاى نحب الفدائيين..

فى بورسعيد....

ابام سته وخمسين...

الله اكبر...الله اكبر..

يا هذه الدنيا اطلى واسمعى...جيش الاعادى جاء يبغى مصرعى.

بالحق سوف اهده وبمدفعى...فاذا فنيت فسوف افنيه معى.

قولوا معى..قولوا معى....الله اكبر الله فوق المعتدى..

فى الايام دى..

كنا نجرى ف كل حاره...

مانخافش من صوت اى غاره..

ايدن مات فى الكنال...

واحنا ولادك ياجمال...

ايه الكنال...

مش فاهمين..

ايدن مين ...

مش عارفين...

كل اللى كنا نعرفه..

ان احنا ولاد جمال...

مانتى عارفه...

اياميها كنت عيل...

حافى وجعان...

زى كل ولاد حارتنا...

كنت واد مفعوص بريل...

بس ما كنتش جبان....

ماحد فينا كان جبان..

كنا زى النحل...

فى الحوارى دوارين..

مش بنام....

ليل نهار متعفرتين...

حنحارب....حنحارب..

كل الناس حتحارب..

موش خايفين..

موش راجعين..

الملايين حتحارب...

حنحارب حتى النصر..

تحيا مصر...تحيا مصر..

احكى يا شهرزاد....

شال الحمام...

حط الحمام...

شال ايه...

شال الهموم من قلبنا..

حط ايه...

حط انتصار فى ارضنا...

والله وبقى لك يا مصر عز...

والله وبقى لك يامصر رمز...

ياللا يارمز....

اكبر يا رمز..

اعلى يارمز...

الرمز تاه...

زى ما الابنودى قال...

الرمز حس انه الاله...

من جوه برجه العالى بص...

ما شفش غيره فى الحياه...

اامر يا رمز...

شرد يا رمز...

اسجن يا رمز...

اشنق يا رمز...

الرمز ليه...

عنا تاه...

من جوه برجه العالى بص...

قال يا كل مصر هس...

ادى لسانك يا مصر....

صابه الخرس....

ادى الولاد على بعضهم...

واقفين حرس...

متجسسين...

مرعوبين...

اللى يقول يارمز لاء...

يندق دق ....

واللى يقول الظلم لاء...

ينشق شق...

واللى يقول العدل حق...

ينطحن ..

زى حبه ف قلب حق...

يا رمز ليه بهدلتنا...

شردتنا...

فى كل بلوى حدفتنا...

خليت رجالنا كالنسا...

لابسين طرح....

يا رمز ليه نسونتنا...

فرتكت ليه...

عرق الرجوله ف جسمنا...

يا رمز ليه ضيعتنا...

يارمز ليه وكستنا...

يا رمز ليه نكستنا...

عدى النهار....

والمغربيه جايه....

تتخفى ورا ضهر الشجر....

وعشان نتوه فى السكه...

شالت من ليالينا القمر..

القمر غاب....

والشمس خباها الضباب...

الفين وتلتميت قمر ....

غابوا...

وانتى يامصر...

بالسواد متكحله...

بالسواد متكلله...

بالسواد متشنشله...

احكى يا شهرزاد...

شال الحمام ...

حط الحمام....

شال ايه....

شال من قلوبنا الفرح كله...

حط ايه....

حط فى حياتنا الذل كله....

احكى ياشهرزاد....

قولى انى كنت شب...

زى عود اخضر وشب...

قولى انى...

فى عز وكستى....

فى عز نكستى...

زى كل ولاد حارتنا..

برضو ما كنتش جبان...

ما حد فينا كان جبان...

رغم السكوت من كل بق...

زغم المراره ف كل حلق...

كنت عارف...

ان شمسى بكره تطلع....

ان ارضى لابد ترجع...

احكى يا شهرزاد...

لما زارتنا ليلة القدر...

لما عبرنا ف غزوة بدر...

فى اليوم العاشر...

سمينا...

ضمدنا جراحنا...

عدينا...

وجنود المولى نساعدنا..

وتايدنا...

شقينا الليل اما عبرنا...

والارض اترجت...

تحتينا...

بسم الله.... الله اكبر..بسم الله.. بسم الله.

سينا يا سينا..بسم الله...بسم الله..

ادينا عدينا...بسم الله...بسم الله..

ما قدروا علينا بسم الله..بسم الله..

جنود اعادينا بسم الله .بسم الله..

الله اكبر.....اذن وكبر...

وقول يا رب ...النصره تكبر...

الله اكبر..

بعد الصوم...

عيد النصر...

عيدك يام الدنيا يامصر...

احكى يا شهرزاد...

شال الحمام ..

حط الحمام...

شال ايه...

شال انهزام...

حط ايه....

حط احترام....

قالوا ده عصر السلام...

طب وماله...

من هنا نبدى الكلام...

رمزنا اصبح سلام...

كلنا عاوزين سلام...

قالوا نوقع عهد سلام...

قلنا وماله...

يالا نوقع عهد سلام..

قالوا السلام محتاح بنود...

تمشى عليك...

مش ع اليهود..

لجل ما نحيا بكل سلام...

ويشبرقنا الاونكل سام...

كل الحرو ب...

موش رح تعود...

تصبح فل وكله تمام...

طب قول بنودك مستر سام..

1-جيشك قد صوابع كف...

جيشهم مليون والميت الف...

لجل ما نتسالم يا المصرى...

من عير بلف ومن غير لف...

وحدودك تبقى حدود لينا..

والعسكر تبعك تحمينا....

ما فى حد يعدى لنا بمدفع...

او طلقه تهدد مرامينا...

2-لا تصنع ولا توجع راسك...

ندى لك توبك ومداسك...

ما تصنع دانة دبابه....

تصنيعك طبله وربابه..

او رق وبدلة رقاصه...

لاباروده ولا حتى رصاصه...

3-ليه تزرع رضك وتشقق...

ابدك م الفاس بكره تفقفق...

عيشك مع سمنك مع زيتك...

حايجولك ونبيض حيطك...

بس اامر خليك مرتاح....

حانجى لك وحندخل بيتك...

تتبقشش حالا وتطيع...

و ف بكره يكون التطبيع....

يارمز لاء...

يارمز لاء....

السلام دامايستحق...

السلام دا سلام لئام...

ماركة صهيو...

ماركة سام...

السلام موش انى اطاطى ..

بعد عزى ابقى واطى...

صهيونى ما يخشش بيتى...

ملعون ابو عيشى على زيتى...

يا رمز لاء..

يارمز لاء..

يارمزلاء...

احكى ياشهرزاد...

نادى معانا ع العرب....

.اجمعيهم ...

اساليهم...

ليه مجدنا...

ضاع مننا...

والغرب ليه جم عندنا...

شردونا ف ارضنا...

دهوسوا فوق عرضنا...

اخى جاوز الظالمون المدى... فحق الجهاد وحق الفدا.

انتركهن يغصبون العروبة...مجد الابوة ةالسؤددا...

وليسو بغير صليل السيوف...يجيبون صوتا لنا او صدا..

فجرد حسامك من غمده...فليس له بعد ان يغمدا...

ايه ياعرب...

ايه ياعرب...

الصمت ليه بقى دربكم..

ناويين تقوموا بالسلاح..

ولا نويتوا ع الهرب...

ايه ياعرب...

ايه ياعرب...

هو انتو ايه...

صابكو العمى...

صابكو الطرش...

حتى اللسان منكو اتخرس...

اصبحتو ليه متقرفصين...

متقرطسين...

وانتو اللى كنتو بتهبوا هب...

وتدبوا دب...

وتحاربوا حرب...

لو مره داس على ضلكم..

اى كلب...

حتقولوا ايه لربكم...

يوم حشركم..

اصبحتوا ليه متفرقين..

.متبعترين...

النص رايح فى الشمال..

والنص ضايع غى اليمين...

يا عرب...

ايه سبتوا ليه...

ايد امكم...

مصر اللى شايله همكم...

داللى يبيع...

امه يضيع..

يامصر قومى ولملمى...

شمل العروبه وعلمى...

دانتى التاريخ....

وانتى الحضاره...

وانتى العلوم...

وانتى المناره...

وانتى الشجاعه...

وانتى الجساره...

لا تبخلوا بمائها على ظم...واطعموا من خيىها كل فم.

احبها للموقف الجليل...من جيشها وشعبها النبيل..

يامصر يا مهد الرخاء...يامنزل الروح الامين...

انا على عهد الوفاء....فى نصرة الحق المبين...

احكى يا شهرزاد...

عن حالنا بعد الالغيه...

احوالنا ليه موش مرضيه...

شال الحمام...

حط الحمام.

شال ايه...

شال ضميرنا...

حط ايه....

حط فيديو...

حط فيديو وكام شريط...

فيها كل شيئ عبيط....

فيها كل شيئ حويط...

لجل ماتضيع الهويه....

هو ده اس القضيه...

لجلن ما نبقى انتكه....

بالفشخره والفزلكه...

لجلن ما نغرق تكتكه...

عايزينا نرمح كالغنم...

خلف الدولار والامركه...

احكى يا شهرزاد....

كلمينا عن ضميرنا...

اللى سابنا وراح لغيرنا...

لما شافنا مدهولين....

شاف حياتنا...

هلس هلس..

لما شافنا مقضيينها..

يا اه يا اه...

ارقص يا دانس...

كلمينا عن الهامبورج...

والكاتشب والكام برج...

اللى على الكورنيش....

متربعين...

اربعه.... اربعه..

زى تربيعتك يام يحيى...

ع الدماغ متربعه....

اااااااااه يام يحيى....

ياللى رحمك ربنا...

من بلانا وغلبنا....

لسه فاكر كلمتك...

اوعى تحسد...

اوعى تحقد....

قول يارب...

كله رزق....

كله بخت...

النهارده بقول يا بخت..

ع الكام الف يخت....

اللى واقفين...

فوق شطوطنا بمرقعه....

النهارده بقول يا بخت...

للكام الف باشا...

اللى عايشينها بغاشه...

النهارده بقول يا بخت...

ياللى فوق..ياللى تحت...

قولو معايا يا الف بخت...

بصوا معايا على اللحاليح..

محلاها طايره زى الريح...

من بنوكنا بشخلعه....

مليار ورا مليار....

متسرسبه...

واحنا الهموم ....

فوق دماغنا مكركبه...

والفقر لازق فى النفوس...

حالف ما يرحل...

عمال يدوس...

ع الغلابه...

زى سبع ف وسط غابه...

شغاااااااااااااااااال...

عمال بيبرطع برطعه.....

احكى ياشهرزاد....

احكى لنا نكته...

او حدوته....

لو حتى كانت ملتوته....

موش مهم...

المهم الفرقعه...

وان غلبتى...

شعلقينا فى اى دش...

دش يملا ودانا وش...

دش يملا دماغنا دش...

ياللا ياللا يا عم دش...

علم ولادنا المهيصه...

علم بناتنا المرقصه...

ساكته ليه يا شهرزاد...

قوليلنا حاجه مضحكه....

ماحنا بقينا مضحكه...

كلمينا ع السقافه...

واللطافه والخفافه...

دى الجيوب اخر نضافه...

والعقول اخر هيافه....

فرجينا يا شهرزاد

ع اللى بقميص النوم...

نايمه بتتمطع.....

واللى كل ساعه وكل يوم ...

عماله تتقصع....

هيئ هيئ.....حوش صاحبك عنى...

هيئ هيئ.....صاحبك جننى....

اهءاء اه.....اهءاءلاء...

اهؤاؤاوه....اهؤاؤييه....

نفسى اتف...

نفسى اتف...

نفسى اتف...

بس حلقى ...

من كتر ما تفيت...

ع الهيافه جف...

قومى ياشهرزاد...

فوقى كل البلاد...

صحصحى كل العباد...

ياللا يا شهرزاد...

صحصحينا ...

فوقينا...

هزى كتافنا...

شدى ودانا...

بكتينا...

اضربينا اشتمينا موش مهم..

المهم الناس تهم...

علميهم...

فهميهم...

موش هى دى مصر...

موش هى دى مصر...

موش هى دى مصر...

مصر موش هيغا ولا تافهه...

موش صدر عارى...

موش موديلز...

مصر موش روبى ولا بوبى..

موش وسط مايص...

ليل نهار عمال يهز...

موش هى دى مصر...

موش هى دى مصر...

يامصر قومى ورددى...

يامصر قومى ورددى

انا ان قدر الاله مماتى... لا ترى الشرق يرفع الراس بعدى..

ما رمانى رام وراح سليما....من قديم عناية الله جندى.

انا تاج العلاء فى مفرق الشرق...ودراته فرائد عقدى.