فارده صواريها...

والدمعه جوه العين...

بالبسمه بداريها...

الطعنه جوه القلب...

والكف متحنى...

بعتب عليك يا زمن...

خيبت ليه ظنى ...

كام من شهيد اندفن...

والجانى متهنى...

صف الشهاده طال...

والحر مستنى ...

ييجى عليه الدور...

القاه جوار منى...

ياللى قبضتوا التمن...

ليه تسألوا عنى...

وتقولوا ليه ياجدع...

اتنكد خلليك مضبوط...

البسمه بتنور وشك...

طب خللى عندك احساس..

واتنكد مع كل الناس...

اتنكد اشيلك فوق راسى...

ماحد ضيفنى....

انده على ودكم...

ماحد سامعنى...

وحدى انا فى التيه...

ماحد شايفنى....

حبيت تكونوا الوطن...

طب ليه خذلتونى....

وليه فى وقت المحن...

يا حبابى فتونى...

ضايع انا فى ارضكم...

حزنى عمى عيونى....

دمى عليكم هان...

زودتوا فى شجونى...

وتقولوا ليه يا جدع...

بتقاسى من دمعه..

والشكوى جوه القلب...

مكتومه مش طالعه...

الشاب ضلعه طق...

نفسه فى قولة حق...

يا صوتى ياللى انكتم...

يا امه صارت عدم...

ليه الضمير اتردم...

يا روح قبلتى الذل...

القلب منك مل...

يا تقومى قومة جدع...

تمحى جميع الوجع...

يالقاكى مع صرختى...

وما دمنا بنرعى الود....

ومادمنا نصون العرض...

ونزرع وسط اشواكنا...

غصون الورد...

نزوق بيها احلامنا...

عشان ما تمر قدامنا...

بتحمل بسمتى وفرحك...

وننسى بس لو لحظه...

جبال يأسى ونار جرحك...

اقول لك قولى يا بهيه...

يا كلمة حق منسيه...

بنسكت ليه...

وليه نرضى...

بحاجه تفوت وتجرحنا...

وتاريخنا يقول احنا...

ما فارقنا مطارحنا...

ولو ننسى فى يوم ناسنا...

ضميرنا ياناس...

ما عمره ف يوم يسامحنا...

ونسكت ليه...

وليه نرضى ....

باى حاجه تجرحنا...

فى امه ذبيحه...

قوليها صريحه...

سكوتكم فضيحه...

يا كل العرب...

سناء يا ضميرنا...

لامتى مصيرنا...

بيرضخ لغيرنا...

وايه كان جابرنا..

وايه السبب...

سناء اشتكينا..

لربك بارينا...

وقولى لنبينا....

بقاده ابتلينا...

امورهم عجب....

يا رافع اسم الله...

يا فارس ظهر الخيل...

يا باقر بطن الليل...

يا فاتح باب النصر...

لم تسكن دارا او قصر...

بل تسكن قلب الامه...

إمضى وأزيح الغمه..

إسقط اقنعة للزيف...

تكمن فى حصن الخوف...

يا رافع اسم الله ...

يمنعكى...

يمنعنا...

مابيننا جاء ليبقى...

مهما حاولتى الانكار...

مهما حاولتى الفرار...

فالحب قد شيد لنا...

فى مملكته الف دار...

لا تنعتينى بالخائن...

لم اخن ابدا...

انها ارهاصات للدهر...

فى ثنيات العمر...

مالها فى حياتى قرار...

لن نرتحل...

يحيى زكريا

يحيى زكريا