مانت ارتضيت ...

تبقى جريح...

حتى  لسانك لو نطق..

كل الكلام ....

بيروح فى ريح...

طب ياللا ارجع غربتك...

مادمت راضى بمحنتك...

إرجع و طوف..

كل البلاد...

يمكن فى يوم...

ترسى فى مينا...

تلقى الامانى مش حزينه...

ساعتها بس..

اقبَلَ رمضانُ ابو الكَرَمِ...
يأتينا دوماً بالنعَمِ...
واليَومَ سَأعزِمَكُم عندى...
فى بَيتى الكَائِنَ بالهَرَمِ...

مائدَتى تَحلو برَمَضانِ...
بالأهلِ وكُلِّ الخِلاَّنِ...
إنطَلَقَ المدفَعُ فلنَصغَى...
ولنَأكُلُ من بَعدِ أذَانِ...

تَمرٌ مَنقوعٌ بحَليبِ...
سُنَتُنا أرساها حبيبِ...
سَنُسمٍّى ونُصَلى عَلَيهِ...
ياربى سميعٌ ومجيبِ...

اليومَ حَفَطركُمْ عِندى..
كى نأكُلُ كِشكاً مع دِندِى...
وحَمَاماً مَحْشُو بِفِريكٍ...
أرسَلهُ لى خالى بَشَندى...

أيضا مكرونه بَشَاميللى...
أعشِقُها وأكُلُها تَمَللى...
ع السُفرهْ تلَعْلَعْ يا خواتى...
وتخللى عقلى تَرَلَلِّى..

مَحشُوه بِلَحمٍ مَفرُومِ...
مَحطُوطِ بقَدْرٍ معلومِ..
بين طَبَقَاتِ المكرونه...
يَرقُدُ كَالدُرٍ المَننظُومِ...

والأُرزُ يا إخوانى مُعِمَّرْ...
إن مَرَّ أمَامى أتَسَمَّرْ...
مَحلاهُ على الوِشِّ القشطَهْ...
والقَعْرُ لذيذٌ وَ مُحَمَّرْ....

عَ السُفرهْ دقِّيَّةِ باميَهْ...
مِنْ صُنعِ قَرينَتُنا ساميهْ...
مطبوخه باللحمِ الضَّانى...
مخلوطَه بِقُرونٍ حَاميَهْ...

ذوقوا يا إخوَانى الملوخيهْ...
خَضراءُ على البطنِ طَرِيَّهْ...
مطبوخه على لحم أرَانب...
أه منها الأكله دا هيَّهْ...

والبطٍ على السُفره تَبَطْبَطْ...
بطٌ بَلَدِىٌ مِتزَغَّطْ...
إن كنتَ عَليلاً خُذْ وِرْكَاً...
تَشفَى فى الحالِ وتِتْنَطَطْ...

وَالوِزٌ يا مَحلاهُ الوِزُّ...
ذَكَّرَنى بِأيَّامِ العِزُّ...
مَشوِىٌ بالفُرنِ أَيا سادَهْ...
فى الأكلِ جَميلٌ ويَلِذُّ...

والمَحشِى مُحَبَّبُ للقَلبِ...
الكُوسَهْ مَعَ وَرَقِ العِنَبِ...
يَرقُدُ وَسَطَهُما بِتِنجانٌ...
أهوَاهُ المَحشِى بِلا سَبَبِ...

والسَّمَكُ المَشوِى مَعَ المَقْلِى...
مَا أحلَى الطَّعمِ مَعَ الشَّكلِ...
بُورِى مَعَ بُلطِى وَمُرجَانٌ...
أذهَلَنى وَأطَارَ العَقْلِ....

والحِلوُ أحبَّائى كُنَافَهْ...
مِن صُنعِ كَريمَتُنا لَطَافَهْ...
محشُوَّه بِبُندُقْ وَ بِلَوْزٍ...
سَتَقولوا عَنهَا دى خُرَافَهْ...

موجودٌ عَ السفرهْ قَطَايفْ...
كالشهدِ عَلى كُل شَفَايف...
نأكُلُهَا هَنِيئاً ومَريئاً...
من أى تَوَابِع مش خايف...

من بعد الأكل أحبائى...
شكرى لله ودعائى...
نتوضأ لنصلى المغرب..
من قبل قدومٍ لعشاءِ....

من أجل عزومه أحبائى...
قد بعتُ هدومى وأشيائى...
وسؤالى الان لحضراتكم...
من أين سأطعم ابنائى...

لا أملك بنكاً أو مصرفْ...
لا أعرفُ كيف سأتصرفْ...
من أجل عزومتكم ديَّهْ...
ماشى موش دارى وبخطرفْ...

انده اسامى...
نجوى وسامى..
مش كمبيوتر..
أو عقلى دفتر..

يا نايم اصحى..
داشهر فرحه..
إزرع تلاقى..
الشجره طارحه.

صلى وصوم...
زكِّى وقوم...
بالليل وصلى..
فرْحَك يدوم..

بنده عليكو...
ربى يراضيكو..
يا أهل بلدى...
قلبى عليكو...

حنقول كلام...
حلو وتمام..
ياللى قلوبكو..
تهوى الصيام...

عامى ونحوى...
بيقولوا وحوى...
ياولاد بلدنا...
تعالوا نحوى...

دا شهر رحمه...
مش شهر تخمه...
نملا بطونَّا ....
بفراخ ولحمه...

إِحْسِن صيامك...
واحسِن كلامك...
فى الاخره تلقى...
جنِّة مَقامك...

إسعِد جيرانك...
وزَّع حنانك...
وبذكر ربك...
رَطَّب لسانك...

إَرعَى اليتيم...
ربك عليم...
إِدَّاك ماقصَّرْ...
خلليك كريم...

جينا وقعدنا...
تحتك يا مدنه...
الشمس غابت...
إَذِّن يا سيدنا...

بعد الصيام..
اوعى تنام...
ع المسجد اجرى...
صلِّى القيام...

بعد القيام...
من غير كلام...
روح زُور قرايبك...
وانسى الخصام...

بعد السحور...
قران ونور...
ساعة تجلِّى ....
خيرها بحور...

شهر العباده...
خيره زياده...
قابلوه بفرحه..
ياللا يا ساده...

تائه أنا...

بدونك...

أتخبط فى متاهات حياتى...

اتوه فى دروب مدينتى ...

كنت احفظها عن ظهر قلب...

احطم كل شيئ..

إُضَيِّعُ كل شيئ...

أفقد كل شيئ...

فى دروب مدينتى...

كل ليله...

أبحثُ عنكى...

أبحثُ عنى...

لا أجدكِ...

وارسمى...

طلعتك فوق خد القمر...

إهدى الوجود...

باقة ورود...

متبسمه...

خللينى ألمح ....

رغم البعاد..

بسمتك...

فوق الشفايف...

لما الكلام...

من غير كلام...

يتنطق...

والعين تشوف...

رقص الحروف...

فوق ارتعاشة شفتك...

خللينى اشوف...

رغم البعاد...

حُمْرِة خجل...

فوق وجنتك...

لما اللَّمَى..

ندَّى شفايفك...

سلسبيل..

يا صاحبة الحس الجميل...

يا صاحبة القلب النبيل...

خللينى اميل..

لما النسيم...

يحمل لروحى...

كلمتك...

القلب حاسس رعشتك...

والعين بتلمح...

لهفتك...

بتخافى ليه...

ما دمنا فى دنيا الهوى...

كالطير بنسبح فى الهوا...

فاردين جناحات الامان...

للبعيد...

للقريب...

لما نفوت....

وقت العصارى والمغيب...

حاملين نسايم...

حب عاش...

أيامه فى ارض الصفا...

سقيينه من بحر الوفا...

بندُور على كل الاحبه...

حَبَّه... حَبَّه...

اللى قلوبهم مهما عانت...

م البعاد...

برضو شبَّه...

واللى فى وقت الجراح...

نلقاها مليانه براح...

لم تنهزم...

أو تخشى من مد البحور....

اللى على القلوب تجور...

لم تنهزم...

نلقاها بتمد الجسور...

للنور...

ما عمرها...

جوه الظلام...

تستخبى...

بتخافى ليه...

واحنا اللى زارعين...

حضن الحياه...

بسمة أمل...

تطرح على كل العباد...

طَرْح الوداد...

رغم البعاد...

شايلك أنا...

بين المشاعر...

ياللى علمتى الفؤاد...

إزاى بحبك...

يبقى شاعر...

رغم البعاد...

القلب لو ينطق يقول...

محلاكى بالحسن البديع...

يا فارده ع الكون فصول...

موصوله من عمر الربيع....

اهواكى يا بدر البدور...

يا أحلى نور...

نجماته من روعة سناكى...

مهما الخطاوى رح تطول...

ما عمر حبك يوم يقل...

ولا أَمِلْ...

أوييجى يوم ...

يحملها للقلب الأثير...

أهواكى...

ارسلها فوق خد العبير...

يتلاقوا فى وسط الدروب...

يمتزجوا فى وقت الغروب...

يمحوا الضلام...

والقاكى قدامى صباح...

فارد ضياه...

وابقى يادوب...

عاشق ومادد ليكى إيد...

يا أحلى عيد...

غايته ومراده فى الحياه...

تبقى معاه...

يبقى معاكى...