بحبك ولكن بحبك تعبت ونبضى وراكى بكل المسالك أقرب تسوقى عليا دلالك وتدى لغيرى مساحة وصالك وليه لما ببعد تقولى هربت ولما تعدى عليكى الغيوم بكون بدر حارس بوسط النجوم عينيا ما تغفل ولا يجيها نوم والبى نداكى واصوم ألف يوم واؤدى فروضك واسدد مداينك واعلى أدانك بأعلى مداينك ومها بضحى بروحى ما اداينك لحد اما ترحل سحابة غيومك واشوفك يا غاليه بترمى همومك اقول لك هواكى عليه اتفطمت ولما تعودى يا جاحده لعوايدك وتدى اللى باعك نعومة وسايدك بعزك ومالك بيبنى ممالك وهو اللى مالك وهو اللى سايدك اقول لك هواكى هوى مستحيل معدتش بلاقى لحبك دليل بعيش لك ولكن فى عيشتى ذليل واعالج جروحك وجسمى عليل وقلبى بيوهب وقلبك بخيل سقيتك حنانى مرارك شربت بسيبك وبرحل بكل المفارق وجسمى بيرحل وقلبى مفارق وحزنى وشقايا فى شرعك ما فارق وكل اما ببعد وتبعد ورودك بلاقينى عاشق لحمرة خدودك وخمرة شفايفك وشهد فى نهودك وبشتاق لضمه تشعلل جمودك وانسى حدودى وتنسى حدودك ومن حلمى بصحى بلاقى صدودك يا شيخه كفايه فى طبعك غلبت ومهما بباعد يجيبنى حنينى وبنسى مرارى وبنسى أنينى وتبقى أمالى أنام جنب بابك وروحى تهفهف شويه فى رحابك ماهو انتى شراعى وانتى سفينتى و انتى بحورى وانتى جزيرتى بعود لك يا غاليه واقول يا أميرتى
.
.
الاثنين, 06 يوليو, 2009
وشابت سنينى فى حبك وشبت
ولا عمرى مره بعشقك كفرت
كيانى بيمينك وروحى بشمالك
وقلبى اللى عاشقك
بعمره ما سالك *
ومهما بلاقى
لسانى ما سالك **
بحاول افارقك فى حبك غرقت
يحيى زكريا
* ما سألك
** ما أساء لك
أضف تعليقا
أضف تعليقا
<<الصفحة الرئيسية
.
.
من مصر
البرنس يحيى زكريا وعودة للشعر العامى فائقة الروعة، فما أحلاه من عتاب لها، أهو عتاب لها أم للوطن؟
دمت بكل خير