يا سايق الغليون بالفن فوت هدِّى بعشق كلام موزون لما الغُنا يعدى بتفوت على بيت الحبيب وتنادى يا اهل المحبه بياع الهوا راح فين يا هلترى ودع هواك بصعب على روحى لما استمع فنك موال يزيح نوحى أصل الغنا منك ياللى صاحبت زمان مالهوش ولا صاحب ياللا سوا نتصاحب حنزور مقام السيده والسهره تحلى فى الحسين للناس المغرمين صورتنا واحنا سوا دى أحلى صحبة موده بتقول دا الوصل جميل حلو يا محلاه لما تقول مواويل قلبى يقول الله بتقول وتعيد لمين ما تخاف م الحاسدين يكفينا شر العين يحرسنا من عينهم يا غنوة الناس البساط مد البساط خللى الغنا موصول فى مصر يبقى القول والآهه فى سنباط والفرح فى زينهم بنده ياابن الأصول اعمل معروف اعطف عليا واتوصى بيا واسأل مره عليا بحر المحبه للغالى عديته اسمع غناك وأميل والقاك فى فن أصيل لما ألاقى جميل فايت وعينيه فى عينيا من غير سلام والقانى بقول يابو العيون السود مين يحوش عنى الرموش يا حلو ما تهدى فى قلبى غرام واللى فى بالى فى بالك انت يا بايعنى وانا شارى يا سايق فى دلال صدك واخد على خاطرك ليه منى من كلمتين اتنين تاخد على خاطرك كل مره لما قابلك التقيك توعد وتخلف يا خوفى عليك لتظلمنى يخلص لى الزمان تارى أن كنت عاصى وقاسى حامتثل لله فى أمرك يا بنت حتتنا يا نايمه الليل وانا صاحى قلت لابوكى عليكى وقاللى تسلم ايدين اللى اشترى الدبلتين والاسوره دى ليله بيضا بيضا ألقى حبيبى يقول دارى على شمعتك حبيتك وبحبك وحاحبك على طول دالسبت فات والحد فات واحنا فرحنا يوم التلات أرجع واقول أمرك عجب أه يا طِلِبْ صوتك وكان موال بالناس بيتغنَّى يهدينا فى الافراح سكر مع الحنه صوت للقلوب يسعد صاحبه اتولد بينا موالك اما اتسمع فى الشعب شعشع بك ماهو انت من وسطنا والشعب دا شعبك أم البلاد موطنك موطن طرب وفنون يا سايق الغليون
.
.
السبت, 08 اغسطس, 2009
قول يا طِلِبْ
إلى روح الفنان الكبير / محمد عبدالمطلب
قول يا طِلِبْ
بالفن فوت هدِّى
يحيى زكريا
أضف تعليقا
أضف تعليقا
<<الصفحة الرئيسية
.
.