انا وقلبى - اللى اختشوا ماتوا

ايها الاصدقاء....

قرات فى صحيفة الجمهوريه التى تصدر فى مصر اليوم السبت 11 فبراير خبرا يقول ان الفنان الكبير عزت ابو عوف يختلف عن كل الفنانين الاخرين...يختلف فى ايه ياترى؟؟؟؟اقول لكم يختلف عنهم بانه عنده لبيسه....لبيسة جزم؟؟؟؟؟

لا يا سيادنا ....

عنده لبيسه يعنى واحده بتلبسه هدومه....

مانتم عارفين ان كل فنان عنده واحد لبيس عشان يلبسه هدومه....انما بقى فناننا الكبيرلازم يبقى مختلف يعمل ايه يقوم يجيب لبيسه واحد ست اى امرأه اى انثى وكانت علة اختياره لهذه المرأه اللبيسه انها والكلام للفنان الكبير اسرع من الرجل فى قفل الازرار سؤال والنبى قبل ما انسى ازرار ايه بالضبط اللى بسلامتها اسرع من الرجلفى قفلها يا ترى زراير البنطلون ولا

القميص؟؟؟؟ وهل يا ترى الست اللبيسه لها شغله تانيه غيراللبس.؟؟؟لاننى على حد علمى ان هذا العمل هو من اختصاص الزوجه.....وهل ياترى الست اللبيسه عربيه ومسلمه ولا اجنبيه ولو ان هذا لا يغير من الامر شيئا فاطلاع الاجنبيه على عورات الرجال حرام ايضا مثلها مثل المسلمه والتحريم يقع على المراه والرجل لاحسن استاذنا الفنان الكبير يقول انا رجل وماليش دعوه وانا مالى انا بساعد فى محاربة البطاله هو يعنى خيرا تعمل شرا تلقى...المهم فناننا الكبير ادلى بهذا التصريح الخطير الذى يعتبرانطلاقة كبرى فى تاريخ امتنا العربيه والاسلاميه فى هذا الوقت الى احدى المجلات الفنيهكما تقول صحيفة الجمهوريه وانا اتسائل
واسمحوا لى ان اتسائل فانا لااملك فى هذه الحياه الا التساؤل....ايصح لفناننا الكبير ان يقول ذلك الكلام علنا وبدون خشى وبدون رادع من ضمير او اخلاق او دين او اعراف او تقاليد ....الى هذا المستوى المتدنى وصلت بنا قافلة الاخلاق؟؟؟؟؟؟؟
طب يا اخى اتدارى شويه وبلاش توسعها قوى كده

ده حتى المثل بقول (اذا بليتم فاستتروا) مش اتكشفوا واتفضحوا...وسؤالى للست اللبيسه اذا كنتى متزوجه وعندك اولاد هل يرضى زوجك واولادك عن هذاالعمل هل يقبل اولادك على امهم هذا الوضع....وهل عندك اب وام واخوه يرضيهم هذا العمل وهذا الوضع وهل انتى راضية امام نفسك وامام الله الذى ستقفين بين يديه ويسالك لماذا فعلتى هذا.؟؟؟؟؟؟

بماذا ستجيبين؟؟؟؟

ام ان الجرى وراء الفلوس بجعلنا نفرط حتى فى حدود الله....يافناننا الكبير اتقى الله فينا وفى نفسك ولا يعنى...

((((اللى اختشوا ماتوا)))